Një prej veçorive, me të cilat është
dalluar Kurani i Madhërishëm, është se All-llahu i Lartësuar ka garantuar se
do ta ruajë atë dhe nuk ia ka lënë në dorë ruajtjen e tij
askujt prej krijesave [1]. All-llahu i Lartësuar ka thënë:
إِنَّا
نَحْنُ نَزَّلْنَا الذِّكْرَ وَإِنَّا لَهُ لَحَافِظُونَ (9)
“Vërtet, jemi Ne ata që e kemi zbritur
Dhikrin (Kuranin) dhe, pa dyshim,
Ne do ta ruajmë atë.” [2]
Dhe ka thënë:
بَلْ هُوَ قُرْآنٌ مَجِيدٌ (21) فِي لَوْحٍ
مَحْفُوظٍ (22)
“Përkundrazi, ai është një Kuran i
lavdishëm, në Leuhi Mahfûdh (Pllakën e
Ruajtur).”[3]
Ibën Kajjimi (All-llahu e
mëshiroftë) ka thënë:
“All-llahu
i Lartësuar e ka përshkruar Kuranin se është i ruajtur, në Ajetin:
إِنَّا نَحْنُ نَزَّلْنَا الذِّكْرَ وَإِنَّا لَهُ
لَحَافِظُونَ (9)
“Vërtet, jemi Ne ata që e kemi zbritur
Dhikrin (Kuranin) dhe, pa dyshim, Ne do ta ruajmë atë.” [4]
Kurse
në këtë sure (el-Burûxh) e ka përshkruar vendin e tij (Leuhi Mahfûdh) se është
i ruajtur. Pra, All-llahu e ka ruajtur vendin e tij dhe e ka ruajtur vetë
Kuranin nga shtimet, heqjet dhe ndryshimet. Dhe, siç i ka ruajtur fjalët nga
deformimi, Ai e ka ruajtur edhe kuptimin e Ajeteve nga shtrembërimi, duke
ngritur njerëz që i ruajnë: shkronjat e tij nga shtimi dhe heqja, dhe kuptimet
e tij nga shtrembërimi dhe ndryshimi!” [5]
________________
Autor: AbdulAziz âl esh-Shejh
Burimi:
“Libri i All-llahut dhe pozita e tij madhështore”
Përkthimi:
Blerand Grubi
Fusnota:
[1] Shënim i përkthyesit: Pra
Kurani, me garanci nga All-llahu, është i ruajtur nga talljet e atyre që tallen
dhe nga devijimet e atyre që i shtrembërojnë fjalët nga konteksti, për dallim
nga Shkrimet e tjera të Shenjta, për të cilat All-llahu ua ka marrë besën
popujve përkatës që t’i ruajnë ato, siç ka thënë për Teuratin:
إِنَّا
أَنزَلْنَا التَّوْرَاةَ فِيهَا هُدًى وَنُورٌ يَحْكُمُ بِهَا النَّبِيُّونَ
الَّذِينَ أَسْلَمُوا لِلَّذِينَ هَادُوا وَالرَّبَّانِيُّونَ وَالأَحْبَارُ بِمَا
اسْتُحْفِظُوا مِنْ كِتَابِ اللَّهِ وَكَانُوا عَلَيْهِ شُهَدَاءَ
“Në të (Teurat) janë
udhëzimet dhe drita. Sipas tij, profetët që ia kishin dorëzuar veten
All-llahut, i gjykonin hebrenjtë; por edhe të diturit dhe rabinët kështu
vepronin, sepse atyre iu qe besuar
mbrojtja e Librit të All-llahut, për të cilin ata dëshmonin.” [El-Mâideh:
44]
Për shtrembërimet e tyre, të kontekstit
dhe të tekstit, All-llahu ka thënë:
مِنْ
الَّذِينَ هَادُوا يُحَرِّفُونَ الْكَلِمَ عَنْ مَوَاضِعِهِ
“Në mesin e
hebrenjve ka nga ata që i nxjerrin fjalët nga konteksti i tyre” [En-Nisâ’:
46]
فَوَيْلٌ
لِلَّذِينَ يَكْتُبُونَ الْكِتَابَ بِأَيْدِيهِمْ ثُمَّ يَقُولُونَ هَذَا مِنْ
عِنْدِ اللَّهِ لِيَشْتَرُوا بِهِ ثَمَناً قَلِيلاً فَوَيْلٌ لَهُمْ مِمَّا
كَتَبَتْ أَيْدِيهِمْ وَوَيْلٌ لَهُمْ مِمَّا يَكْسِبُونَ (79)
“Mjerë ata që
me duart e tyre shkruajnë Librin, e pastaj thonë: “Kjo është prej All-llahut”
që për këtë të kenë ndonjë dobi të vogël (materiale). Mjerë ata për
çfarë kanë shkruar me duart e tyre dhe mjerë ata për çfarë kanë fituar!” [El-Bekara:
79]
Por kjo nuk ndodh me Kuranin, sepse ai
është i garantuar. Kështu është për shkak se Kurani do të mbetet argument ndaj
gjithë njerëzimit deri në Ditën e Ringjalljes, ndërsa Librat e mëparshëm kanë
qenë Libra të përkohshëm; afati i secilit prej tyre përfundonte me zbritjen e
një Libri tjetër që e shfuqizon dhe që i nxjerr në shesh shtrembërimet dhe
ndryshimet që i kanë ngjarë të kaluarit. Kështu që nuk kanë qenë të sigurta dhe
të mbrojtuara nga këto gjëra, prandaj dhe u kanë ngjarë shtrembërime, shtesa
dhe heqje. – Shih: “Akidja e Ehlu Sunetit dhe Xhematit”, kapitullin: Imani në
Librat, e dijetarit kolosal Ibën Uthejmin (All-llahu e mëshiroftë).
[2] El-Hixhr:
9.
[3] El-Burûxh, 21-22.
[4] El-Hixhr: 9.
[5] “Et-Tibjân fî eksâmil-Kur’ân” –
Ibnul-Kajjim, 99.
